Rapportering for SkatteFUNN-prosjekt

Årets rapporteringsfrist er 13. mars

I år blir rapporteringsskjemaet for godkjende SkatteFUNN-prosjekt lagt ut seinare enn vanleg – i midten av februar. Årets rapporteringsfrist er derfor flytta til 13. mars 2025. 

Personane som er registrerte som prosjektleiar og organisasjonsrepresentant får ein e-post når rapporteringsskjemaet er lagt ut. De kan også gå inn på Mi side og sjekke. 

Rapporten må sendast inn av prosjektleiar eller organisasjonsrepresentant

Når rapporteringsskjemaet er lagt ut for prosjektet på Mi side, kan alle som er registrert med en rolle i prosjektet jobbe i rapporten. Merk: Det er berre personar med rolle som høvesvis prosjektleiar eller organisasjonsrepresentant som kan sende inn rapporten. 

Ligger du inne kun som oppretter av søknad har du kun tilgang til søknaden og ikke til godkjente prosjektet eller til rapportering.

Les mer om roller i et SkatteFUNN-prosjekt.

Statusrapport

Dersom prosjektet går over fleire år, må du levere statusrapport for prosjektet innan 13. mars 2025. Vanlegvis er fristen 1. mars, men i 2025 er fristen 13. mars.

Rapporten finn du på innlogga område. Personar som er registrerte som prosjektleiar eller organisasjonsrepresentant på prosjektet, mottek ein e-post når rapporteringsskjemaet er lagt ut. De kan også gå inn på Mi side og sjekke. Vi sender også påminning på e-post før statusrapporten skal inn.

Sluttrapport

Alle prosjekt skal sende inn ein sluttrapport når godkjenningsperioden i SkatteFUNN er over, og seinast innan mars-fristen året etter siste godkjenningsår. I 2025 er fristen for å sende inn sluttrapport 13. mars.

Du finn sluttrapporten på innlogga område. Personar som er registrerte som prosjektleiar eller organisasjonsrepresentant på prosjektet mottek ein e-post når rapporteringsskjemaet er lagt ut. De kan også gå inn på Mi side og sjekke. Vi sender også påminning på e-post før sluttrapporten skal inn.

I sluttrapporten skal du samanfatte kva aktivitetar de har gjennomført, kva mål de har nådd og kva som eventuelt står att i prosjektet. Hugs også å sende sluttrapport dersom prosjektet blir avbrote før godkjenningsperioden er over.

Beskrivingane av prosjektet i sluttrapporten blir ikkje offentleggjort. Dersom beskrivingane inneheld forretningsløyndommar, vil dei vere omfatta av teieplikt ved eventuelle innsynskrav, jf. offentleglovas § 13 og forvaltningslovas § 13.

Rapportering av kostnader

Vi minner om at det er støttegodkjende kostnader knytte til det godkjende prosjektinnhaldet som kan inngå i prosjektrekneskapen, uavhengig av kva de budsjetterte med i søknaden.

Forskingsrådet godkjenner ikkje budsjett eller kostnader for SkatteFUNN-prosjekt. Økonomirapporteringa dykkar til Forskingsrådet bidreg til oppfølginga vår av prosjektgjennomføringa og til statistikk. Det er derfor ikkje krav om revisorattestasjon på tala som blir leverte til oss. Bruk dei tala som er tilgjengelege for dykk på rapporteringstidspunktet.