Styringsgruppa fôr

Styringsgruppa blir utnemnd frå august 2024 og skal arbeide ut 2026.

Styringsgruppa blir leidd av Nils Vagstad. Vagstad har brei leiarerfaring, mellom anna som tidlegare administrerande direktør i Norsk institutt for bioøkonomi (NIBIO). Han har fagleg bakgrunn i spørsmål knytt til, jordbruk, miljø og ressursforvaltning, og eit stort engasjement for berekraftig matproduksjon.

Styringsgruppa består av

• Nils Vagstad, NIBIO (leiar)
• Leif Kjetil Skjæveland, Skretting
• Erik Olav Gracey, Biomar
• Erling Aas-Eng, representant for Norges bondelag
• Kristin Alnes, Sjømat Norge
• Anja Bakken Riise, Framtiden i våre hender
• Joakim Hauge, Bellona
• Kari Ljøkjel, Felleskjøpet fôrutvikling
• Inge E. Næsset, Mattilsynet

Mandat for styringsgruppa

Styringsgruppa for samfunnsoppdraget om berekraftig fôr skal

• lage mandat for og etablere ei ekspertgruppe som skal vurdere berekrafta i fôr til oppdrettsfisk og husdyr etter sondering med departementsgruppa
• vurdere behovet for ytterlegare ekspertgrupper på sikt
• vurdere relevante koplingar opp mot internasjonalt arbeid (regelverksutvikling, handel, EU, OECD, nordisk m.m.).
• sørgje for involvering gjennom dialog med relevante aktørar og involverte departement
• arrangere ein årleg, nasjonal konferanse om berekraftig fôr
• levere ein årleg rapport med:
  • oversikt over og vurdering av status, moglegheiter og barrierar for samfunnsoppdraget, fordelt på hovudmål og delmål
  • oversikt over og vurdering av tildelingar og prosjekt på fôrområdet
  • oversikt over og vurdering av tiltak som alt er i gang og vurdere behov for eventuelle nye tiltak på regelverksområdet
  • gode døme på prosjekt som er i gang og som er relevante for samfunnsoppdraget
  • forslag til eventuelle tiltak som bør gjennomførast for å nå måla
  • oversikt over forskings- og kompetansebehov
  • oppsummering og vurdering av innspel frå den årlege konferansen om berekraftig fôr