Føring av personalkostnader og indirekte kostnader i instituttsektoren
Forskingsinstitutt skal budsjettere personalkostnader og indirekte kostnader under eitt for dei ulike gruppene av FoU-medarbeidarar som inngår i prosjektet.
Institutta melder årleg inn timesatsane for ulike grupper av FoU-medarbeidarar til Forskingsrådet. Forskingsorganisasjonar i gruppa "Andre godkjende forskingsorganisasjonar" som ikkje ønskjer å melde inn timesatsar eller som ikkje oppfyller krava, skal bruke rundsumssatsen for personalkostnader. Det er også denne som brukast i universitets- og høgskolesektoren.
Innmelding av timesatsar for instituttsektoren
Det er følgjande to grupper av institusjonar på Forskingsrådets liste over godkjende forskingsorganisasjonar som vi kvart år ber om å melde inn timesatsane sine:
- Organisasjonar omfatta av regjeringas Strategi for helhetlig instituttpolitikk, inkludert organisasjonar omfatta av Retningslinjer for statlig grunnbevilgning av forskningsinstitutter og forskningskonsern.
- Andre einingar i offentleg sektor som er pålagd å utføre forsking og andre godkjende forskingsorganisasjonar.
Legg merke til at organisasjonar omfatta av retningslinjene for statleg grunnløyving skal melder inn timesatsar. Resten av organisasjonane kan velje å melde inn timesatsar føresette at dei oppfyller krava i retningslinjene (sjå nedanfor).
Timesatsane skal nyttast i FoU-prosjekt med tilskot frå Forskingsrådet, uavhengig om instituttet leier prosjektet eller inngår som samarbeidspartnar i eit faktisk samarbeid med prosjektansvarleg søkjar. Timesatsane skal også brukast i prosjekt finansierte gjennom grunnløyving frå Forskingsrådet eller andre offentlege etatar.
Slik melder du inn timesatsar til Forskingsrådet
Dei forskingsorganisasjonane som årleg blir inviterte til å melde inn timesatsar blir kontakta av Forskingsrådet i rimeleg tid før tidsfristen for innmelding.
Rundsumssats for institutt som vel å ikkje melde inn timesatser
Forskingsorganisasjonar som ikkje ønskjer å melde inn timesatsar eller ikkje oppfyller krava, skal nytte rundsumssatsen for personalkostander, som også blir nytta i UH-sektoren.
Retningslinjer for berekning og innmelding av timesatsar 2025 (pdf)
Meldinger ved utskriftstidspunkt 23. februar 2025, kl. 15.38 CET