Senter for Bærekraftig areal- og naturbruk – digitalt innspelsmøte

Forskingsrådet inviterer til innspelsmøte om ny senterordning for Bærekraftig areal- og naturbruk for å sikra at senterane i størst mogleg grad svarer på samfunnsutfordringane og får høg nytteverdi for samfunnet.

Me vil invitera norske forskingsorganisasjonar, offentleg sektor, næringsliv og andre til å dela tankar om moglegheiter, behov og utfordringar knytte til temaet Bærekraftig areal- og naturbruk, før søknads- og utveljingsprosessen er i gang.  

Dette ønskjer me innspel på:

• Kva tema (kunnskapsbehov) bør me prioritera for å møta utfordringar knytte til areal- og naturbruk?
• Korleis kan sentera gjerast mest mogleg relevante og tilgjengelege for offentleg sektor, norske bedrifter og andre som samarbeidspartnarar?
• Korleis kan me organisera senterane slik at forskingsresultata kjem samfunnet (offentleg sektor, norske bedrifter, organisasjonar og befolkninga elles) til gode?

Arrangementet er berre digitalt.

Me gir maks 3 minutt taletid per innlegg i møtet og det er ikkje ope for å dela presentasjonar (ppt eller liknande).

Me vil oppmoda alle som ønskjer å delta til å setja seg inn i rammene for utlysinga.

Program

• Kort velkommen og info frå Forskingsrådet
• Innspel frå deltakarar